Durangoko Azokara begira
2006-09-04 ¦ argitalpenak
Irailaren 1ean zabaldu zen Durangoko Azokan izena emateko epea eta hilaren bukaerara arte, irailaren 29ra arte, egongo da eskaerak egiteko aukera.
Azokan parte hartu nahi dutenek berrikuntza nagusia izango dute aurten: eskariak webgunetik bakarrik egin ahal izango dira. Horretarako, inkripzio-orri gisa prestatu duten formulario elektronikoa bete beharko da stand-en eskaera egiteko. Gerediaga elkarteak teknologia berrienganako apustu sendoa egin nahi izan du sistema berri honekin. Aurtengo ekitaldiaren inguruko informazioa (araudia eta edizio honetako erakuslearen gida) ere eskaintzen du www.durangokoazoka.com webguneak.
2006ko ekitaldia abenduaren 6tik 10era bitartean izango da eta hantxe izango da Badihardugu Euskara Elkartea ere eskualdeko argitalpenak eskaintzeko.
