Albisteak
2024-06-20
Appahi! aplikazioaren Azkoitiko bertsioa eta Hikagin inkestaren emaitzak aurkeztu ditugu
Azken urteetan Azkoitiko hitanoa biziberritu nahian dabil Azkoitiko Udala, Hike eizan! proiektuaren bitartez; Badihardugu Elkarteak ere proiektuarekin elkarlanean jardun du. Aurten Appahi! aplikazioari Azkoitiko atala gehitu diogu eta, horrez gain, hitanoaren egoera ezagutzeko Euskal Herri mailan egindako inkestan azkoitiarrek emandako erantzunak aztertu ditugu. Gaur aurkeztu ditugu lanaren emaitzak Azkoitian, Pleno Aretoan emandako prentsaurrekoan. Ekainaren 27an egingo den IV. Hike bertso saioaren berri ere eman dute.
2024-06-19
Hika Eguna ospatuko dute larunbatean Oņatin, hirugarren aldiz
Aurten ere 3. Hika Eguna antolatu du Oñatin Ingo Xonau! taldeak, Udalaren babesarekin. Hika-poteoa, hika-bazkaria eta hika-erromeria ibiltaria izango dira, larunbatean.
2024-03-12
Hika ikastaroa antolatu dute Oñatin
Orain arteko ikastaroak emakumeentzat izan dira. Oraingoa, berriz, mistoa da. Apiriletik ekainera izango da, dohainik, eta atzo zabaldu zen izena emateko epea.
2023-12-28
Euskal Herriko I. Hika Topaketako hitzaldien bideoak ikusgai
Azaroaren 10ean Oñatin Euskal Herriko I. Hika Topaketa egin genuen. Goienak goizeko hitzaldiak eta mahai-inguruak grabatu zituen, eta sarean ipini ditugu, interesa duen ororen esku.
2023-12-06
Gaurtik abenduaren 10era bitartean Durangoko azokan egongo gara
Gaur zabalduko ditu ateak 58. Durangoko Azokak eta bertan izango gara aurten ere. Ahotsak.eus-Badihardugu elkartea stand-ean euskararen inguruko Euskal Herri osoko argitalpenak aurkituko dituzu. Animatu eta zatoz!
2023-12-04
Euskara biziberritzen jardundako taldeei aitortza egin zitzaien Elgoibarren
1950etik 1990era bitartean herrian euskararen alde lanean jardundako taldeei eskertza egin zitzaien ostiralean, Elgoibarren, Herriko Antzokian ospatu zen Egin zenutelako gara! ekitaldi hunkigarrian. Badihardugu Elkarteak prestatutako Euskararen historia soziala Elgoibarren (1950-1990) ikus-entzunezkoa izan zen ekitaldiaren ardatza eta bertan aipatutako zenbait taldetako kideek ere parte hartu zuten zuzenean ekitaldian.
2023-12-01
Elgoibarko euskararen historia soziala jasotzen duen ikus-entzunezkoa aurkeztuko dugu gaur
Badihardugu Euskara Elkarteak 42 elgoibartarren testigantza bildu du Euskararen Historia Soziala Elgoibarren proiekturako, Elgoibarko Udalaren eskariz. Gaur Elgoibarko Herriko Antzokian egingo den Egin zenutelako gara! ekitaldian gerraostetik 1990era arteko euskararen historia soziala laburbiltzen duen ikus-entzunezkoa aurkeztuko dugu. Elgoibarko Izarrak antolatu du ekitaldia; ezinbesteko bidelaguna izan da proiektu osoan zehar.
2023-11-30
1940-1980 urteetako euskalgintzari buruzko liburua aurkeztuko dugu bihar Bergaran, "Izotz ondoko eguzki"
Izotz ondoko eguzki: Bergarako euskararen historia soziala 1940-1980 izeneko liburuaren aurkezpena egingo dugu bihar, 19:00etan, Bergarako udaletxeko pleno aretoan, Euskararen historia soziala Bergaran egitasmoaren barruan.
2023-11-29
Leintz ibarreko herrietako bertsioak gehitu dizkiogu Appa hi! aplikazioari
2021ean sortu genuen Appa Hi!, hitanoa ikasteko eta praktikatzeko aplikazioa, Codesyntaxekin elkarlanean. Oñatiko Ingo Xonau! proiektuaren baitan sortu zen lehen bertsioa eta 2022an Euskara batuko hika praktikatzeko edukia erantsi genion. Orain Arrasate, Aretxabaleta, Eskoriatza eta Leintz Gatzagako atalak gehitu dizkiogu aplikazioari. Atzo egin zen bertsio berrien aurkezpena Leintz Gatzagako Gatz Museoan, herri guztietako udal ordezkariak eta teknikariak bertan zirela.
2023-11-28
Appa Hi! aplikazioko lehenengo lehiaketa egingo dute Oņatin ostiralean
Badihardugu elkarteak eta Codesyntaxek Appa Hi! aplikazioa sortu genuen 2021eko azaroan, bost astean hika ikasteko aukera ematen duena. Orain, aplikazioari lehiaketak antolatzeko aukera gehitu diogu, eta ostiralean egingo dute lehenengo lehiaketa: Txantxiku ikastolako 60 ikasle lehiatuko dira, Gaztelekuan.
2023-11-17
Eibarko hika ikasteko atala ere gehitu diogu Appa hi! aplikazioari
Orain dela bi urte aurkeztu genuen Appa hi! aplikazioa, hika edo hitanoa praktikatu eta ikasteko aplikazioa. Aplikazioaren lehenengo bertsioak Oñatiko hika ikasteko aukera ematen zuen eta 2022an Euskara batuko hika praktikatzeko edukia ere erantsi genion. Oraingo honetan Eibarko hika ikasteko atalak gehitu ditugu. Gaur aurkeztu da bertsio berria, Eibarko hika ikasteko aukera ematen duena, Eibarko udaletxean. Aplikazioa Badihardugu Elkarteak garatu du CodeSyntaxekin elkarlanean.
2023-11-09
Euskal Herriko I. Hika Topaketa egingo dugu bihar Oņatin
Hitanoa bultzatzen ari diren eragileak batu eta elkarlanerako bideak aztertzea da I. Hika Topaketaren helburua. Eltzian izango da, Oñatin.
