Albisteak

2021-02-04

Badihardugu Elkartearen 20. urteurrena kantuan ospatu dugu


20 urte pasatu dira Deba eskualdeko euskara bultzatzeko asmoz Badihardugu Euskara Elkartea sortu zenetik. Egoera berezi honetan urteurrena kantuan ospatzea pentsatu dugu. 2018an Abaddia Saria jaso genuenean Ainara Ortegak eskaini zigun kanta ederra abestuz bideo hauxe osatu dugu Badiharduguko kideok. Ea gustatzen zaizuen!

2021-02-02

Hika ikastaroan izena emateko aukera, Oņatiko Jabetze Eskolan

Oņatin noka biziberritzeko dagoen beharra ikusita, Ingo Xonau! ekimenetik hika ikastaroak antolatu ditugu emakumeentzat, Jabetze Eskolan. Lehenengoa aste honetan bukatuko da. Bigarrenean izena emateko epea zabalik dago jada. Animatu!

2020-12-01

"Elgoibarren Aniztasuna Ikasgai" proiektuko bideoak eta ikasmateriala sarean erabilgarri, guztion eskura

Elgoibarko aniztasuna ezagutarazteko, hainbat jatorritako ikasle eta gurasoak elkarrizketatu ditugu herriko LHko bi ikastetxeetan. Testigantza horiekin bi ikus-entzunezko eta ikasgeletan erabiltzeko ikasmateriala gertatu ditugu. Sarean daude, interesa duenaren eskura!

2020-11-26

"Eibarren Aniztasuna Ikasgai" proiektua aurkeztu genuen atzo

Eibarren Aniztasuna Ikasgai proiektuaren helburua herriko aniztasuna ezagutaraztea da. Hainbat jatorritako ikasle eta gurasoak elkarrizketatu ditugu, zazpi ikastetxetan. Testigantza horiekin bi ikus-entzunezko gertatu ditugu, eta baita ikasgeletan erabiltzeko ikasmateriala ere. Sarean daude, interesa duenaren eskura!

2020-11-03

"Oņatiko hika poltsikaran" liburuxka argitaratu berri dugu

Ingo Xonau! proiektuaren barruan, Oņatiko hika ikasteko oinarrizko informazioa eta aditz-taulak batzen dituen liburuxka plazaratu dugu, poltsikoan eramateko modukoa.

2020-10-22

Hika ikastaroa Oņatin emakumeentzat, Jabetze Eskolan, azarotik aurrera

Oņatin noka biziberritzeko dagoen beharra ikusita, Ingo Xonau! ekimenetik emakumeentzat hika ikastaroa antolatu dugu, Jabetze Eskolan. Zabalik dago izena emateko epea. Animatu!

2020-10-15

Zer egin Oņatin noka modan jartzeko? Ezagutu herritarrek diotena!

Ingo xonau! proiektuaren asmoa Oņatiko noka biziberritzea da. Hori nola lortu daitekeen azaltzen dute elkarrizketatu ditugun hainbat herritarrek, prestatu dugun bideo honetan.

2020-09-25

Alejandro Telleria "Alkate Txikixa" omentzeko ekitaldiko ikus-entzunezkoa ekoitzi du Badihaarduguk

Eibarko Udaleko EGOIBARRA Batzordearen enkarguz, Alejandro Telleria Alkate Txikixa II. Errepublika aldarrikatu zuen alkate eibartarraren inguruko ikus-entzunezkoa ekoitzi du Badihardugu Elkarteak, haren omenaldirako. Atzo aurkeztu zen Eibarko Coliseoan ospatutako Udalbatza berezian.

2020-09-24

Alfako sorreraren eta garapenaren inguruko “Bizi-puskak” ikus-entzunezkoa ekoitzi du Badiharduguk

Eibarko Armagintzaren Museoaren enkarguz, Bizi puskak ikus-entzunezkoa ekoitzi du Badihardugu Elkarteak, ALFA enpresaren mendeurrena ospatzeko antolatu den ALFA 1920-2020 erakusketarako.

2020-09-22

Koldo Zuazoren ibilbidea omendu dute Gasteizen eta bere lana jasotzen duen "Eibartik Zuberoara euskalkietan barrena" liburua aurkeztu da

Joan zen ostiralean, irailaren 18an, Koldo Zuazo EHUko irakaslea eta euskalkien ikertzaile sutsua omendu zuten Gasteizen haren lankide eta hurbilekoek. Ekitaldian Zuazoren omenez argitaratutako Eibartik Zuberoara euskalkietan barrena liburua aurkeztu zuten. Koldo Zuazo Badihardugu elkarteko kide eta sortzaile dugu eta gure esker ona ere adierazi nahi diogu. Zorionak Koldo!

2020-07-13

Oņatiko noka berreskuratzen

Ingo xonau! proiektuaren asmoa Oņatiko noka biziberritzea da. Iaz, bide hori egin duten eta egiten ari diren hainbat emakume elkarrizketatu genituen. Orain, haien esperientziak ikus-entzunezko batean batu ditugu.

2019-05-20

“Maisu armaginak, urdinez jantzitako artisauak” ikus-entzunezkoa ekoitzi du Badiharduguk

Eibarko Armagintzaren Museoaren enkarguz, “Maisu armaginak, urdinez jantzitako artisauak” ikus-entzunezkoa ekoitzi du Badihardugu Elkarteak. Museoen Nazioarteko Egunaren harira aurkeztu da lau hizkuntzatan azpititulatutako bideo berri hau.

Albiste zaharragoak »