« Itzuli albistegira

LINGUANET lan munduko euskara planen inguruko ikastaroa

2007-01-18  ¦  Ikastaroak

Aurkezpena

Euskararen erabilera bultzatzeko egitasmoak ugalduz doaz azken urteotan eta euskara erabiltzen diren esparruak zabalduz joan daitezen egun gero eta gehiago dira euskara planetan murgildu diren enpresak. Planen kopurua handitzeak ekarri du, besteak beste, erabiltzen den metodologia sendotzen, hornitzen eta erabiltzaile berriengana zabaltzen joatea.

Helburuak

Linguanet ikastaroak, euskara planen inguruko oinarrizko ezagutza teorikoa eta eguneroko praktiken esperientziak ezagutzeko aukera eskaintzea du helburu.

Hartzaileak

• Erakunde eta enpresetako teknikari eta koordinatzaileak.

• Lan munduan aritzeko asmoa duten ikerlari eta ikasleak.
• Euskararen presentzia areagotzeko lanean diharduten erakunde publikoetako langileak.
• HIZNET ikastaroa egin dutenak.
• Euskara eta kultura zinegotziak.
• Euskalgintzako zuzendaritza batzordeko kideak.
• Hizkuntza normalkuntzako arduradunak.

Metodologia

Ikastaro honetan parte hartuko dutenei Lan Munduko Hizkuntza Plangintzaren inguruko oinarrizko ezagutza teoriko bat eman nahi diegu, beraien lanean behar-beharrezkoa izango dutena eta webgune baten bitartez eskuratuko duena. Bestalde, esperientzia praktikoa ere eskaini nahi diegu. Horregatik, ikastaroan zehar izaera praktikodun aurrez aurreko hiru tailer izango dira, ikasleek duten esperientzia elkartrukatzeko.

Egitaraua

• Euskara planen ikuspegi orokorra

• Diagnostikoa eta dieseinua
• Ezarpena
• Jarraipena eta ebaluazioa
• Euskara planak enpresa txikietan

Matrikula epea

Otsailaren 20a bitarte zabalik. Informazio gehiago eta matrikula orria webgunean eskuragarri.

INFORMAZIO BULEGOA

Asmoz Fundazioa
Jose Elosegi Alkatearen Hiribidea, 275
20015 Donostia
Tel. 943326398
linguanet@asmoz.org
http://www.linguanet.asmoz.o