Koldo Zuazoren hitzaldixa Soraluzen
2007-03-14 ¦ euskalkia
Koldo Zuazok Deba ibarreko euskara. Dialektologia eta Tokiko batua liburuaren inguruko hitzaldixa emongo dau bixar, osteguna, Soraluzeko AEK-n.
Juan zan astian Eibarko Inazio Zuloaga institutua bisittau ostian, Koldo Zuazo filologuak Soraluzeko AEK-n (Kiroldegixan) eskaiņiko dau beran azkenengo lanan inguruko hitzaldixa bixar, osteguna, hillaren 15a, arratsaldeko 7retan.
Gaixa
Deba ibarreko euskara. Dialektologia eta Tokiko batua lana oiņarri moduan hartuta euskalkixak, euskara batua eta tokiko euskeriaren inguruko kontuak jorratuko dittu filologo eibartarrak.
Hauxe da Zuazok planteatzen dabena: euskara batu berbera erabili bihar ete dogu leku guztietan? Euskara batu berbera erabili bihar ete da Aretxabaletako eskolan eta Euskal Herriko Unibersidadian? Euskara batu berbera Eskoriatzako Udaletxeko agirixetan eta Eusko Legebiltzarrekuetan? Euskara batu berbera Oņatiko ULMA lantegixan eta Donostiako Kursaalen egitten dan naziņoarteko kongresu batian? Euskara batu berbera Arrasateko Euskaltegixan eta Lazkaoko "Maizpide" barnetegixan? Euskara batu berbera Goienkarixan eta Berria egunkarixan?...
Herri euskaldunetan bertara egokittutako batua erabiltzia izan leike etorkizuneko bidia: Tokiko batuak eraikitzia. Tokiko batu horrek nun eta zelan erabili da gogoetarako gaixa.
