Albisteak

2022-05-05

Erakusketa egingo dute Bergarako euskalgintzaren historia ezagutarazteko

Euskararen historia soziala Bergaran egitasmoan, euskalgintzan jardundako 26 pertsona elkarrizketatu dituzte. Aurten, hedapenean ipiniko dute indarra. Herritarrei laguntza eskatu diete, abenduan egingo den erakusketarako materiala osatzeko.

2022-05-03

Noka ikastaroa eta Hika bertso-paper lehiaketa aurkeztu dituzte Azkoitian

Azkoitiko Udalak eta Hike eizan! Azkoitiko hitanoa biziberritzeko asmoz sortutako proiektuko kideek Noka ikastaroa eta HIKA bertso-paper lehiaketa aurkeztu zituzten ostiralean, Azkoitiko udaletxean eskainitako prentsaurrekoan.

2022-04-28

Bonbardaketa egunetako ibilbideak Gerrako Ahotsak webgunean

Duela 85 urte, Gerra Zibileko bonbardaketen eraso krudelenak egin zituzten abiazio nazional, italiar eta alemaniarrek. Bonbardaketa egun haiek nola bizi izan ziren eta zer eragin izan zuten ulertzeko, zenbait ibilbide sortu ditugu Ahotsak.eus-eko testigantzak ardatz hartuta. Gerrako Ahotsak webgunean daude ikusgai.

2022-03-04

Eibar BHIko ikasleek Ahotsak-eko hainbat pasarte transkribatu dituzte

Eibar BHI institutuko zenbait ikaslek, Amaiur Aramaio irakaslearen gidaritzapean, Eibarko eta Bergarako hainbat pasarte transkribatu dituzte, euskalkiak lantzeko helburuarekin. Guztiak www.ahotsak.eus daude ikusgai.

2022-02-10

Noka ikastaroak antolatu dituzte Orion eta Azkoitian

Azken urteotan hitanoa biziberritzeko proiektu asko jarri dira martxan han eta hemen. Kasu askotan, gainera, nokaren galera tokarena baino nabarmenagoa dela ikusita, emakumezkoei zuzendutako ikastaroak antolatu dira, ahalduntzeko tresna gisa duen garrantziagatik. Orion eta Azkoitian, esaterako, irekita dago noka ikastaroetan izena emateko epea.

2021-12-03

Ahotsak eta Hike eizan! proiektuetan parte hartu duten herritarrak omendu zituzten atzo Azkoitian

Atzo, euskararen egunaren bezperan, Azkoitiko Ahotsak eta Hike eizan! proiektuetan parte hartu duten herritarrei omenaldi goxoa egin zitzaien Azkoitian. Hike eizan! Azkoitiko hitanoa bultzatzeko proiekturako prestatu dugun bideoa eta hitanoko adizki erabilienak jasotzen dituen eskuorria ere aurkeztu ziren ekitaldian.

2021-11-24

Appa hi! aurkeztu dugu, bost astean Oñatiko hika ikasteko aplikazioa

Eskuko telefonorako aplikazioa da. Modu errazean, jolasean, hika ikasteko aukera ematen du. Badihardugu euskara elkarteak garatu du, CodeSyntax-ekin elkarlanean, Oñatiko Udalarentzat.

2021-10-07

Enkarni Genua, 50 urtez txotxongilo euskaldunei bizia ematen

Enkarni Genua idazlea eta txotxongilolaria elkarrizketatu dugu Donostiako Ahotsak proiekturako. Aurten guztira 16 donostiar ezagunen testigantzak jasoko ditugu, Donostiako euskararen historia ezagutzeko.

2021-09-22

Mutrikuko Saturraran Elkarteak Gerra Zibileko memoria jasotzen dihardu

Mutrikun sortu berri den Saturraran Elkarteak Gerra Zibileko memoria jasotzea du helburu. Euren lanaren berri emango dute gaur, asteazkena, arratsaldeko 19:00etan Zabiel Kultur Elkartean. Orain arte batutako testigantzak Ahotsak.eus-en daude katalogatuta.

2021-06-24

Eskoriatzako San Juanei buruzko ikus-entzunezkoa aurkeztu genuen atzo, San Juan bezperaz

Atzo arratsaldez, San Juan bezperan, hain zuzen ere, Eskoriatzan jai honek izan duen bilakaera ezagutzeko aukera polita izan genuen Zaldibar antzokian. Badiharduguk egindako 17 minutuko ikus-entzunezkoan naturako hiru elementu dira protagonista: tantaia, sua eta landareak.

2021-06-03

Azkoitiko hitanoa eta, bereziki, noka indartzeko proiektua martxan

Joan zen astean hitanoa bultzatzeko proiektua aurkeztu zen Azkoitian. Abiapuntu moduan, proiektuari irudia eta leloa jartzeko, logotipo lehiaketa jarri du martxan Azkoitiko Udalak. Uztailean bertso-saioa eta mahaingurua egingo dira. Badihardugu Elkarteak ere parte hartuko du proiektuan eta herrian jasotako testigantzekin hikaren inguruko bideo labur bat prestatuko dugu urte amaierarako.

2021-03-24

Euskararen historia soziala jasotzen ari gara Bergaran

Guztira 12 elkarrizketa egin ditugu Bergaran, gerraostetik 80ko hamarkadara bitartean euskalgintzan izandako mugimenduari buruz: dantza, antzerkia, hezkuntza, alfabetatzea... Euskararen historia soziala Bergaran egitasmorako.

Albiste zaharragoak »