Elorrixoko berbetia (2014)

Izenburua: Elorrixoko berbetia
Egilea: Aintzane Agirrebeña eta Juan Martin Elexpuru
ISBN: 978-84-617-3103-9
Argitaratzailea: Elorrioko Udala
Urtea: 2014

2009an Elorrioko Udalak atera zuen beka bati esker Badihardugu Euskara Elkarteko Juan Martin Elexpuruk eta Aintzane Agirrebeñak Elorrioko euskara jasotzen eta aztertzen jardun zuten zenbait urtez. Elorrioko Ahotsak proiekturako egindako grabazioak hartu ziren oinarri gisa, herriko hizkeraren azterketa egiterakoan; hala ere, beste iturri batzuetatik ere jaso zen informazioa, besteak beste, Miriam Erizek Elorrioko toponimia lanerako egindako elkarrizketak eta transkripzioak, Garaizabal neba-arrebek 1984an Elorrioko hitanoari buruz egindako ikerketa, edo Irizarrek Morfología del verbo auxiliar vizcaíno (1992) lanean bildutako adizkiak. Horrez gain, ezinbestekoa izan zen lana borobiltzeko herriko lantalde baten laguntza. Liburuaren sarrera historikoa, berriz, Cesar Gallastegi elorriarrak egina da.

Liburuan jasotako guztia sarean jarri zuen Dijitalidadea enpresak: www.elotop.net/euskara. Eta, horrez gain, Elorrioko Ahotsak proiektuko bideoak eta transkripzioak ere aurki daitezke bertan.

Liburua jaitsi nahi izanez gero, hemen duzue PDF formatuan